Billjón eða trilljón?

Sumir vita ekki muninn á billjón, trilljón og milljarði, það er vel skiljanlegt. - En mér finnst samt óþarfi að þeir séu allir settir í að skrifa fréttirnar um þessi mál.

1,1 billjón dala í aðgerðir

Athugasemdir

[Eggert Jóhannesson (IP-tala skráð) 2.4.2009 kl. 15:59]

Ég held reyndar að það séuð þið sem eruð að ruglast og (aldrei þessu vant)  kópípeistarinn hafi þetta rétt.

milljarður = 1000 milljónir  (1.000.000.000)

billjón = 1000 milljarðar (1.000.000.000.000)

trilljón = milljón billjónir  (1.000.000.000.000.000.000)

[Eggert Jóhannesson (IP-tala skráð) 2.4.2009 kl. 16:00]

Þ.e.a.s. miðað við íslenskar töluvenjur.

Heimild http://www.visindavefur.hi.is

[Bjöggi (IP-tala skráð) 2.4.2009 kl. 16:08]

Nei, þið eruð að ruglast 

Samkvæmt Wall Street Journa þá fara 750 milljarða dollara(billion dollars) til IMF og 250-350 milljarða dollara(billion dollars) til World Bank. Samtals eru þetta 1,3 billjón dollara(e. trillion dollars)

Biljón á amerísku þýðir milljarður á íslensku og triljón á amerísku þýðir billjón á Íslensku.

Það væri ótrúlegt ef að triljón dollara færi í þessar tvær stofnanir, við værum þá að tala um hátt í 10% af þjóðarframleiðslu stærsta hagkerfis í heimi.

En ég skil svo sem að þið ruglist á þessu enda ekki nema á færri snillinga að ráða fram úr svona flækjum. 

[Bjöggi (IP-tala skráð) 2.4.2009 kl. 16:11]

Ég ruglaðist.

Það eru uppi hugmyndir um að veita 1,1 biljón í þetta, þetta eru ekki 1,3 biljón samtals. Sorry.

Mar er svo ruglaður eftir þennan rugling með billjónir, triljónir og milljarðar

[Arnór Baldvinsson (IP-tala skráð) 2.4.2009 kl. 16:17]

Þetta er svolítið ruglingslegt.  Hér í Bandaríkjunum er ekki til "milljarður", heldur er hoppað beint yfir hann upp í billjón.  Þess vegna er bandaríska talnakerfið 1000 sinnum lægra heldur en það evrópska.  Þarna er verið að ræða um 1.100 (ellefu hundruð) milljarða dollara, eða 1,1 evrópska billjón en 1,1 ameríska trilljón. 

Kveðja

[gummih, 2.4.2009 kl. 16:20]

Heyrðu - Eggert er með þetta hárrétt, mbl er með þetta rétt og ég er í ruglinu.

Það sem sló mig út af laginu er að á BBC tala þeir um trilljón - eru bretarnir farnir að elta kanann í upphæðum, ég hélt að hefðin hefði verið að við og bretarnir værum með sama system? En já, ensk trillion 10^18, væri orðið ansi mikið.

http://visindavefur.hi.is/svar.php?id=446

[gummih, 2.4.2009 kl. 16:27]

Vona að þetta skiljist

Bretar(og við)/Bandaríkjamenn

1,000,000,000 = milliard/billion

1,000,000,000,000 = billion/trillion

1,000,000,000,000,000 = 1000 billions/quadrillion

1,000,000,000,000,000,000 = trillion/quintillion

Eins og þið sjáið þá er þetta bara uppskrift að ruglingi á billion og trillion

[Kjartan (IP-tala skráð) 2.4.2009 kl. 17:29]

trillion eða thousand billions er þýtt sem billjón í orðabókinni

[Sigurjón, 11.4.2009 kl. 22:44]

mbl hefur samt billjón sinnum þýtt vitlaust í gegnum tíðina...