gummih

3.2.2009 | 10:27

Meiri erlend skuldsetning?

Eru stjórnendur Orkuveitunnar virkilega að velta fyrir sér að auka erlenda skuldsetningu Orkuveitunnar? Ég hélt að staða hennar væri nógu slæm samt?
Ég get skilið að það þurfi að taka lán til að geta staðið við greiðslur á erlendum skuldbindingum, en ég get ekki skilið að auka skuldastöðuna til aukinna framkvæmda á þessum tímapunkti. Ef það koma síðan hækkanir á gjaldskrá í kjölfarið á þessu þá verð ég ekki ánægður!

	Lánalína OR opnuð á ný
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Stjórnendur Orkuveitunnar eru að velta fyrir sér að byggja upp arðsamar grænar virkjanir, vinna á móti atvinnuleysi og leggja sitt að mörkum til að reisa við efnahagslífið.

Orkuveitan bjargvættur í efnahagslægðinni

Hallur Magnússon, 3.2.2009 kl. 10:40

Ef þetta er svona svakalega arðsamt hjá þeim, hvernig skýrirðu þá hræðilega stöðu Orkuveitunnar með erlend lán til himins?

Ef farið er út í að byggja fleiri virkjanir, hvenær fer arðsemi af þeim að vega upp gjaldeyristapið vegna greiðslna á erlendum lánum? Því það er ekki hægt að afsaka svona gríðarlega dýrar framkvæmdir með því að verið sé að skapa atvinnubótavinnu. Það er verið að fara ofan í kjölinn á því hvaða hlut Kárahnjúkavirkjun Landsvirkjunar átti í að farið var að spila með íslensku krónuna og miðað við hvað ég hef heyrt þá lítur það illa út.

Hvers vegna að taka erlend lán til að fjármagna framkvæmdir innanlands? Hvers vegna ekki að bjóða út skuldabréf í íslenskum krónum og lofa m.a. erlendum fjárfestum sem hér eiga fullt af krónum sem þeir komast ekki með út úr landinu að fjárfesta í þeim.

gummih, 3.2.2009 kl. 11:27