Auðvitað má maður standa á götunni - kaninn getur bara flutt

Hvernig stendur á því að lögreglan okkar, borgaranna. Er notuð til valdnýðslu gegn borgurunum fyrir hönd Bandaríkjanna?

Varla borga þeir skatta eða nokkur önnur gjöld? Þeir eiga ekki götuna, hún er byggð fyrir almannafé.

Ef þeim líkar ekki að íslenskir borgarar séu á götunum sem þeir sjálfir hafa borgað fyrir þá verður kaninn bara að flytja eitthvert annað með sendiráðið sitt.

Í síðasta póstinum mínum um þetta mál lagði ég til að þeir reyndu að fá lóð við hliðina á Litla Hrauni, en það væri kannski nær að hafa það viðbyggingu.

Dómari lagði fram ljósmynd

En með sama útreikningi hafa launin líka hækkað margfallt meira.

Það er algerlega marklaust að tala um að krónan hafi rýrnað svo og svo mikið. Gildi krónunnar er afstæð tala.

Segjum t.d. að á morgunn myndu allar upphæðir hækka hundraðfallt í krónum talið. Allur kostnaður, allar upphæðir og öll laun, allt myndi hækka hundraðfallt.

Þá væri krónan búin að rýrna um 99% á einum degi. Því fyrir hverja krónu fengist aðeins 1/100 af því sem áður fékkst, þar með talið upphæðir í erlendum gjaldmiðlum.

En ef að launin hækkuðu líka hundraðfallt, hvað hefði þá breyst í raun og veru? Hefði eitthvað breyst með þessari ægilegu 99% rýrnun?

Mig langar þessvegna að vita, samhliða þessum ógurlegu rýrnunartölum hvað launin okkar hafa hækkað um mörg prósent í krónum talið á sama tímabili. Það væri svona álíka gáfulegur útreikningur nema í hina áttina. Það myndi líklega skila fyrirsögnum á borð við "Laun á íslandi hækkað 1000% meira en í Danmörku!!!!!11" 

 Ég geri mér samt grein fyrir því að verðbólga er ekkert holl í stórum skömmtum, og launin hækka jafnan minna en verðin. En tal um 99,95% rýrnun er bara blekkjandi og hefur enga þýðingu í raunveruleikanum, það segir ekkert um hvort lífskjör hér hafi batnað meira eða minna heldur en í Danmörku. 

Rýrnun krónunnar 99,95%

Lóð eða gangstétt?

Maður var handtekin við bandaríska sendiráðið.

Hvort var maðurinn á lóðinni eða á gangstéttinni? Eða eiga þeir gangstéttina?

Miðað við myndina sem fylgir fréttinni þá virðast þeir þykjast eiga gangstéttina og stóran part af götunni fyrir framan. Hvernig er það hægt? Kann einhver skýringu á því hvernig þessu er háttað?

Alveg ótrúlega ömurlegir nágrannar. Er ekki bara hægt að selja þeim lóð við hliðina á Litla Hrauni?

Handtekinn við bandaríska sendiráðið

iPad er víst fáanlegt á Íslandi

Þetta er dæmi um fyrirtæki (apple) að nota fjölmiðil til að auglýsa sig. Það sem er samt svo hrikalega pínlegt er að þú getur auðveldlega fengið þér iPad hérna á Íslandi, meira að segja merkilega ódýrt (frá 99þús): buy.is

Ekki það að það sé eitthvað sniðugt að fá sér iPad - það er mun sniðugara að fá sér Android Pad þegar þeir koma ;o)

iPad til Íslands í haust

Her Evrópusambandsins

Það er áhugavert að sjá fréttir af aðgerðum hers Evrópusambandsins. Herinn hefur verið í mótun í langan tíma en hefur til þessa oftast verið undir merkjum samhæfingar sjálfstæðra herja aðildarríkjanna og lítið verið með aðgerðir undir eigin nafni.

Eitt sambandsríki, ein mynt, einn her.

Frakkar sökkva sjóræningjaskipum

Nú verður þrýst á launahækkanir

Samtök Atvinnulífsins skulda þjóðinni launahækkanir síðustu tveggja ára - þetta veit Félag Atvinnurekanda og er hér að reyna að takmarka skaðann af óheftum lobbíisma LÍÚ innan SA.

Með stöðugleikasáttmálanum gátu fyrirtækin í landinu bætt reksturinn með því að borga lægri laun. Fólk hefur verið ekki fengið umsamdar launahækkanir og hefur horft á verðbólguna éta upp kaupmáttinn. Gott og vel, þjóðinni til góða og allt það - það má kannski deila um það en það hefur verið merkilega góð sátt um þetta.

SÍÐAN, sleppir LÍÚ sér í skapofsafrekjukassti yfir skötusel. Hræðslan og græðgin er það mikil virðast ætla að valda öðrum fyrirtækjum í landinu umtalsverðum skaða og draga SA niður í svaðið.

Núna verður þrýst á að fá launahækkanirnar sem búið er að snuða fólk um síðustu tvö ár.

Þjóðin á auðlindina. Kvótakóngar eru liðin tíð. Hver eru rökin fyrir því að gefa einhverjum útvöldum kvóta ár hvert svo þeir geti leigt hann burt og sukkað með ágóðann? Ríkið á að eiga allan kvótann og leigja hann út. Ákaflega einfalt mál.

Mikilvægt að stöðugleiki ríki á vinnumarkaði

Undarlegur fréttaflutningur

Hver skrifar þessa frétt? Hér á blogginu eru allir ábyrgir fyrir sínum skrifum og þurfa að gefa upp kennitölu, hvers vegna ekki á mbl.is? Er standardinn þar lægri?

Í fréttinni er undarlegur eftirmáli sem kemur þarna eins og skrattinn úr sauðaleggnum

Helstu ástæður þess að Össur Skarphéðinsson utanríkisráðherra og einhverjir þingmenn Samfylkingarinnar hafa eftir óformlegum leiðum kannað hvort Framsókn hefði vilja til þess að koma inn í stjórn og styrkja þingmeirihluta stjórnarinnar eru sagðar þær, að flokkurinn sé orðinn langþreyttur á því að VG vilji engar ákvarðanir taka og engar framkvæmdir heimila. -mbl.is

 

Hvers konar fréttaflutningur er þetta? "Eru sagðar"? Hvaða sögusagnir er verið að vitna í og slá upp sem forsíðufrétt?

Þetta lítur svona helst út eins og þessu hafi verið bætt við eftir á.

Má ég kannski bæta við mínum eigin bút sem er skrifaður á jafn vandaðan hátt?

Helstu ástæður þess að EKKI hefur verið kannað hvort Sjálfstæðisflokkur vilji koma inn í stjórn eru sagðar þær, að samfylkingin sé orðinn langþreytt á því að xD sé uppfullur af valdahroka, græðgi og spillingu. - gummih

 

Hversu langt haldiði að það sé í að við fáum að sjá svona sögusagnir á mbl.is undir núverandi ritstjórn? En takið samt eftir að standardinn er sá sami þó að pólitíski áróðurinn sé í hina áttina.

Biðla til Framsóknarmanna

Fyrsta greiðsla þriðjungur af gjaldeyristekjum ársins?

Allar tölur sem maður sér um þetta mál eru bull!

Hvað haldiði að sé að marka tölur eins og "21% af vergri landsframleiðslu árið 2016"(!)?

Í fyrsta lagi höfum við ekki hugmynd um hver landsframleiðslan verður.
Í öðru lagi höfum við ekki hugmynd um hvert gengi krónunnar verður.
Í þriðja lagi er ómögulegt að vita raunverulegt söluvirði þrotabús Landsbankans.
Og að lokum skiptir landsframleiðslan ekki máli þegar við erum að tala um hvað við eigum að borga af erlendum gjaldeyri. 

Upphæð Icesave lánsis er í erlendri mynt. Til þess að borga af því þurfum við erlendar tekjur.

Hér eru tvær áhugaverðar tölur: (sem ég huga að séu síst vitlausari)
Árin 1990-2000 (áður en allt bullið byrjaði) voru heildar gjaldeyristekjur landsins að meðaltali 1067milljónir punda á ári.
Miðað við forsendurnar í greininni þá er greiðslan fyrsta árið 341 milljón punda!

Ef gjaldeyristekjurnar árið 2016 verða svipaðar og árin 1990-2000 Þá værum við að tala um að greiðslan af Icesave væri 32% af  heildar gjaldeyristekjum þess árs.

Við vonum auðvitað að gjaldeyristekjurnar verði meiri en það er samt alls ekkert sem útilokar að þær verði minni. Sérstaklega þegar við hugsum um að horfurnar eru ekkert allt of bjartar þessa dagana.

Ég get ekki betur séð en að þessi samningur sé FULLKOMNLEGA óásættanlegur. 

Það er grunn forsenda fyrir því að samþykkja samninginn að það sé gjörsamlega gulltryggt að við getum borgað því þessi samningur er þannig að ef hlutirnir þróast á þann hátt að við getum það ekki þá eru afleiðingarnar ALLT, ALLT of slæmar.

60-70 milljarða árleg greiðsla

Og hvernig eiga þessar framkvæmdir að skapa gjaldeyristekjur?

Eða er bara enginn að hugsa neitt um það? Við komumst ekki upp úr þessum vandræðum nema skapa auknar gjaldeyristekjur - að henda hundrað milljörðum í vegagerð er bara skammtímahugsun, pólitík til að skapa störf og afla atkvæða.

Mér sýnist að þessar framkvæmdir myndu þvert á móti kosta aukin gjaldeyris útgjöld þar sem kostnaður við göng og vegagerð er að stórum hluta eldsneyti og tækjabúnaður, að ég tali nú ekki um ef fengnir eru erlendir verktakar til verksins - varla mun það styrkja krónuna.

Og til hvers í ósköpunum ætti að tvöfalda Hvalfjarðargöng þegar vegirnir til og frá göngunum anna ekkert meiri umferð. Þegar umferð er að tefjast í göngunum þá gerist það við gjaldtökuna.

Setja 100 milljarða í framkvæmdir

Billjón eða trilljón?

Sumir vita ekki muninn á billjón, trilljón og milljarði, það er vel skiljanlegt. - En mér finnst samt óþarfi að þeir séu allir settir í að skrifa fréttirnar um þessi mál.

1,1 billjón dala í aðgerðir