Stafar samfélaginu ógn af konum?

Hvenær munu konur sjá villu síns vegar og átta sig á því að ofbeldi leysir engan vanda? Hvenær mun samfélagið fá endanlega nóg af þessum barsmíðum á saklausum borgurum og rísa upp gegn konum?

Annars minnti þessi frétt mig á ágætt kvæði Káins, ég vona að ég fari rétt með það.

Lesið hef ég þitt lærdómsstef þótt ljót sé skriftin
og síst ég efa sannkleikskraftinn
að sælla er að gefa en þiggja - á kjaftinn

Sló vagnstjóra í reiði

Athugasemdir

[einmitt (IP-tala skráð) 14.1.2008 kl. 12:45]

Já ef ein kona gerir eitthvað er eðlilegt að alhæfa yfir allar. Ef karlar takast á eru þeir að takast á. Ef konur gera slíkt hið sama eru konur konum verstar.

[Sigurjón, 14.1.2008 kl. 13:08]

Konur eru stórhættulegar!

[gummih, 14.1.2008 kl. 13:14]

Ertu að reyna að gefa í skyn að karlar séu líka ofbeldisfullir? Það hefur svosem heyrst að stöku menn æsi sig já eða "takist á" eins og þú orðar það en það heyrir til undantekninga. Hverskonar óöld er það eiginlega þegar ofbeldisfullar konur (akandi!) riðjast inn í almenningsvagna og ganga svo heiftarlega í skrokk á bjargarlausum strætóbílstjórum að þeir þurfa að leita læknis?  Nefndu mér EITT stríð sem hefur verið hafið af karlmanni. Það þarf að stöðva þessar konur - áður en þær sprengja jörðina í tætlur.

[Askasleikir (IP-tala skráð) 14.1.2008 kl. 14:15]

Ég óska þess að konur hætti fremja ofbeldisverk

[Anna Lilja, 14.1.2008 kl. 14:47]

Æi þið eruð svo miklir vælukjóar greyin, eins og verstu kellingar.

Hvernig er heimurinn að verða eiginlega?

Karlmenn orðnir að sívælandi kellingum og kvenmenn farnar að þurfa að taka til sinna mála.. 

[gummih, 14.1.2008 kl. 15:04]

Bíddu bara Anna Lilja, þið talið digurbarkalega núna, en einhvern daginn mun samfélagið rísa upp undan járnhnefa kvenna sem allt leysa með handalögmálum og barsmíðum, bíddu bara. Það gerist kannski ekki í dag, kannski ekki á þessari öld - en einhvern daginn mun hér lifa fólk í friði, í samfélagi án strætóbílstjóralemjandi kvenna.

[Siggi (IP-tala skráð) 14.1.2008 kl. 16:35]

Um er að ræða útlenska konu, A-Evrópska.

[Sigurjón, 14.1.2008 kl. 16:53]

Kannske sló-venska?  Eða jafnvel sló-vegnska...

[gummih, 14.1.2008 kl. 16:53]

Nei heyrðu mig nú Siggi, mér er gróflega misboðið af fordómum þínum gagnvart útlendingum. Gerirðu þér ekki grein fyrir að útlendingar eru fólk nákvæmlega eins og við hin? Alveg er ég handviss um að fjölmargar íslenskar konur hafi margoft ruðst inn í strætisvagna og rútur í þeim tilgangi að berja duglega á bílstjóranum. Svo oft meira að segja að það þykir ekki fréttnæmt - það sem hefur þótt fréttnæmt hér er auðvitað ekki að kona skyldi sýna strætóbílstjóranum hvar Davíð keypti ölið heldur að réttvísin náði fram að ganga.