En skipin þeirra? Undir hvaða fána sigla þau?

Ég er á móti þessu fánaskaki fyrirtækjanna - þetta slær mig bara sem einhverskonar áróðurs brölt á þeim þar sem þeir reyna að vekja upp einhverja skyldu hjá almenningi til að "vera með fyrirtækjunum í liði". Nákvæmlega eins og "support our troops" áróðurinn í Bandaríkjunum.

Ég hvet þessi fyrirtæki til að sýna samstöðuna í verki! Mörg fyrirtæki eru að því, þau eru ekki öll að bægslast í fjölmiðla og segja okkur að flagga fyrir þeim. Reyndar getur vel verið að ég dragi fána á loft fyrir sum fyrirtæki, en það væri þá bara í hálfa stöng.

Eimskip flaggar íslenska fánanum

Afar jákvætt - mesta samgöngubót í langan tíma

Gamli Gjábakkavegur var leiðinlegur yfirferðar og það sem meira er þá var hann beinlínis hættulegur.

Með þessum nýja vegi styttist leiðin frá Reykjavík til þúsunda sumarbústaða á Suðurlandi. Það þýðir að um hverja helgi munu þúsundir bíla aka styttri vegalengd en ef þeir hefðu annars gert, umtalsvert magn af tíma og bensíni sem sparast um hverja helgi, það er sparnaður fyrir þjóðina og það er umhverfisvernd líka.

Þar við bætist að þessi vegur mun létta talsvert á Suðurlandsvegi sem þarf að þola allt of þunga umferð.

Byrjað á umdeildum vegi

Er verið að REYNA að tefja hlutina?

Eins og staðan er núna þá eru 1.400 börn sem komast ekki í frístundaheimili að loknum skóla. Allir sem koma að þessu máli hafa verið sér til skammar. Nú síðast er það Hanna Birna sem tekur þátt í aðgerðaleysinu. Hún ætlar að leggja fram TILLÖGU - sem verður tekin fyrir eftir VIKU og EF tillagan er samþykkt þá á að stofna NEFND sem kemur með AÐRAR TILLÖGUR!

Það er EKKERT verið að GERA!

Á meðan þarf fjöldi fólks í Reykjavík þarf að hverfa úr vinnu sinni rétt eftir hádegi - og það sem verra er - fjöldi barna fara ein heim úr skólanum og eru ein heima eða úti á eigin vegum þar til foreldrar þeirra koma úr vinnu. Allt vegna þess að ÍTR er ekki að sinna hlutverki sínu.

Það er hér stærðarinnar vandamál á ferðinni - það virðast hinsvegar allir vera hálf blindir fyrir því, viljandi eða óviljandi. Það þýðir ekkert fyrir stjórnendur að segja bara að þeir hafi auglýst eftir fólki og að það sé erfitt að fá fólk. Ef það er erfitt að fá fólk þá er ÁSTÆÐA fyrir því, menn þurfa að finna rót vandans og leysa hann! Fyrsta skref ætti að vera að hækka launin, annað skref er að reyna eftir fremsta megni að fá varanlegt starfsfólk þannig að það þurfi ekki að manna 200 stöður hvert einasta haust og vor.

Eins og staðan er núna í ÍTR þá er búið að manna 130 stöðugildi og það er EFTIR AÐ MANNA 130 í viðbót! Þetta er fley með hálfa áhöfn - og þegar útgerðin er rekin þannig þá þarf að skoða stjórnendurna!

Borgarstjórn kaus í stjórn ÍTR þann 21. ágúst 2008:

Kjartan Magnússon, formaður
Netfang: [e-mail]

Björn Gíslason
Netfang: [e-mail]

Valgerður Sveinsdóttir

Sigfús Ægir Árnason
Netfang: [e-mail]

Stefán J. Stefánsson
Netfang: [e-mail]

Oddný Sturludóttir
Netfang: [e-mail]

Sóley Tómasdóttir
Netfang: [e-mail]

Á skrifstofu ÍTR starfa 25 manns! (Reyndar eru nokkur þeirra í leyfi)
Þar á meðal eru tveir ágætir starfsmannastjórar
Snorri Jóelsson, starfsmannastjóri
Ragnheiður Stefánsdóttir, aðstoðarstarfsmannastjóri

Brugðist við manneklu á frístundaheimilum

Óafsakanlegt

Þetta ástand er óafsakanlegt - dóttir mín er að byrja í öðrum bekk. Foreldrar voru ekki einu sinni látnir vita að ekki væri hægt að taka á móti börnunum!

Ef þú mannar sumar starfið bara með skólakrökkum þá er auðvitað VITAÐ MÁL að þú lendir í vandræðum með vetrarstarfið! Og hvers vegna vilja engir nema skólakrakkar vinna þarna? Vegna þess að launin eru ALLT OF LÁG!

Svo ég vitni í vef Reykjavíkurborgar "Gera má ráð fyrir að ráðningum fjölgi verulega á næstu dögum og vikum þegar skólanemar við framhaldsskóla og háskóla fá stundatöflur sína og sækja um störf í samræmi við þær, en nemendur við þessa skóla hafa reynst ÍTR drjúgir við störfin í vetrarstarfi ÍTR."
Hverskonar loddaraháttur er þetta eiginlega, "bíðum bara og sjáum hvort einhverjir skólakrakkar geti ekki unnið hérna dag og dag" Hvernig væri frekar að VINNA í málunum og fá FAST starfsfólk.

Það þýðir svo ekkert fyrir stjórnendur að velta ábyrgðinni á undirstjórnendurna, allir stjórnendur ÍTR og borgarstjórn eru með þessu að verða sér TIL SKAMMAR. Það sóttu 2900 börn um - stjórnendur gátu höndlað að taka á móti 1200 börnum!

 

Einhverft barn kemst ekki að á frístundaheimili

Gengi Evru er EKKI 151 kr

Undir myndinni við þessa frétt stendur: "Gengi evrunnar er nú 151 króna." Þetta er auðvitað alrangt eins kemur fram í texta fréttarinnar sjálfrar. Gengi Evrunnar í lok dags var 119kr en hinsvegar er gengi pundsins 151kr.

Krónan lækkaði um 6,97%

Æ, fjandans þarf ég þá að hætta að nota Ekortið mitt

Fyrir nokkrum árum ofbauð mér viðskiptahættir þáverandi KB banka. Ég hætti öllum mínum viðskiptum við hann og flutti mig til Sparisjóðanna. Síðan þá hef ég vanið mig á að nota e-kortið og kann bærilega við það. En nú er mér skapi næst að láta loka því - ekki fer ég að láta kaupa mig aftur inn í KB banka? Verst að hjá S24 safnar maður bara upp í asnalega ferðaávísun í staðinn.

Skilyrði sett um kaup Kaupþings í Ekortum

Er eftirspurn að minnka eða eru bankarnir að gera fólki erfiðara fyrir að komast í gegnum greiðslumat?

Hreiðar Már segir að eftirspurn eftir fasteignalánum bankans hafi minnkað. Ég spyr, hefur frumeftirspurnin minnkað eða veittum lánum fækkað? Á því er nokkur munur, til dæmis hafa forsendur veittra lána breyst hvað varðar vaxtaprósentu og veðhlutfall, slíkt er ákvörðun viðskiptabankanna. Að auki veit ég dæmi þess að fólki hafi verið gert gríðarlega erfitt fyrir að komast í gegnum greiðslumat. Margfalt erfiðara heldur en þegar bankarnir rúlluðu fasteignalánunum út í kerfið á sínum tíma. Er það ekki svo að það hefur verið bönkunum í hag undanfarið að minnka umsvif fasteignaveðlána hjá sér? Að ég tali nú ekki um að fækka veðum sem eru nálægt markaðsvirði eigna.

Það þýðir því ekki að benda á atriði sem bankarnir hafa talsverða stjórn á sjálfir sem óyggjandi sannanir fyrir því að grípa þurfi til aðgerða sem bankarnir munu hagnast á.

Segir stýrivaxtalækkun nauðsynlega

Glæsileg þýðing

Goti er auðvitað hin eina rétta þýðing á enska orðinu Goth. Hér er annars hlekkur í þessa frétt með mynd af turtildúfunum

Gota með kærustuna í bandi vísað úr strætó

Fyrir hvern á að endurskoða - ekki okkur allavega

Guðbjartur Hannesson, telur að Íbúðalánasjóður eigi áfram að starfa óbreyttur. Það liggi hins vegar fyrir að endurskoða þurfi starfsemi hans. Þversögn?
Til hvers á að endurskoða ef hann á samt að vera óbreyttur? Svona virkar víst skrifræðið, við höfum íbúðalánasjóð sem 80% landsmanna eru ánægðir með svo ekki eru það kjósendur sem vilja breytingu. Evrópskt skrifræði segir okkur að við þurfum að breyta honum - þess vegna þarf að rúlla af stað íslensku endurskoðunarskrifræði til að finna einhvern útúrsnúning svo að Íbúðalánasjóður geti starfað að mestu óbreyttur. Lokaniðurstaðan verður líklegast talsvert skrifræði, fundir og nefndir til að breyta einhverjum smáatriðum sem munu ekki gera neitt í raun og veru nema kannski gera íbúðalánasjóð örlítið verri heldur en hann er í dag. Allt til einskis, ekki gert fyrir kjósendur heldur fyrir evrópuskrifræðið.

Endurskoðun Íbúðalánasjóðs nauðsynleg

Stafar samfélaginu ógn af konum?

Hvenær munu konur sjá villu síns vegar og átta sig á því að ofbeldi leysir engan vanda? Hvenær mun samfélagið fá endanlega nóg af þessum barsmíðum á saklausum borgurum og rísa upp gegn konum?

Annars minnti þessi frétt mig á ágætt kvæði Káins, ég vona að ég fari rétt með það.

Lesið hef ég þitt lærdómsstef þótt ljót sé skriftin
og síst ég efa sannkleikskraftinn
að sælla er að gefa en þiggja - á kjaftinn

Sló vagnstjóra í reiði